Սիրիական բանակը զավթել է Հալեպի արևելքում ահաբեկիչների կարևորագույն պատվարը

Aysor.am-ը գրում է.

Սիրիայի զինված ուժերն աշխարհազորի դաշնակից ջոկատների աջակցությամբ լիարժեք վերահսկողություն են սահմանել Մասակին-Հանանո թաղամասի նկատմամբ, որը հանդիսանում է Հալեպի արևելքում անօրինական կազմավորումների ամենախոշոր և կարևոր պատվարը, հայտնում է РИА Новости-ն` հղում անելով «Ալ-Մանար» հեռուստաալիքին։

Վերջին մի քանի օրերին բանակային ստորաբաժանումները կրակ են բացել թաղամասում գրոհայինների դիրքերի վրա։ Այդ թաղամասն անցում է բացում հյուսիսային կողմից դեպի Հալեպի արևելյան շրջանների խորքը։ Կառավարական զորքերը ճակատի այդ հատվածում դիմակայել են գլխավորապես «Ջեյշ ալ-Ֆաթհ» զինված կոալիցիայի գրոհայիններին։